10 адамды өлтірген Өзбекстан азаматы өмір бойына сотталды

Украинада 10 адамды қатыгездікпен өлтірген 39 жастағы Өзбекстан азаматы өмір бойына бас бостандығынан айырылды, деп хабарлайды Orda.kz. 

Ер адам Украинаның әртүрлі аймағында жүріп, 10 адамды аяусыз өлтірген.

Прокуратураның мәліметінше, қылмыскер адамдарды 2018 жылдан 2024 жылға дейін өлтіріп келген. Зардап шеккендердің арасында Украина, Литва, Грузия және Өзбекстан азаматтары бар.

Ол қылмысының әрқайсысын мұқият жоспарланған. Қылмыскер алдымен адамдардың сеніміне кіріп, бірге ішімдік ішуді сылтауратып, содан кейін өлтіріп отырған. Құрбандар 35 пен 81 жас аралығындағы ерлер мен әйелдер. Қылмыскер әуелі адамдарды тұншықтырып, кейін таспен ұрып өлтірген. Кейбірін пышақтаған. Бәрінің телефоны, ақшасы және басқа да заттарын қолды қылып отырған. 

Ер адам соңғы рет гүл дүкенінің сатушысын 34 рет пышақ сұғып өлтірген. Оның қылмысы бейнеге түсіп қалған. Қылмыскер көп ұзамай ұсталды. Жауап алу кезінде оның осы марқұмнан басқа 9 адамның өліміне қатысы бары анықталды. 

Айта кетейік, қаңтарда Павлодарда мектеп оқушысын зорлаған футбол менеджері өмір бойына сотталды. Ал сәуірде Семейде мектеп мұғалімі оқушыны зорлағаны үшін өмір бойына бас бостандығынан айырылған еді.